Зәй муниципаль районында патриотизм һәм бердәмлек елын ачу тантанасы узды
Бүген «Энергетик» мәдәният йортында Зәй муниципаль районында патриотизм һәм бердәмлек елын ачу тантанасы узды. Чара шулай ук Россиядә игълан ителгән Россия халыклары бердәмлеге елына һәм Татарстан Республикасында хәрби һәм хезмәт батырлыгы елына багышланган иде. Үзенең чыгышында Разиф Гали улы Кәримов Зәй районы территориясендә яшәүче күпмилләтле халыкны патриотик тәрбияләү һәм бердәмлек традицияләрен саклауның мөһимлеген билгеләп үтте. Кереш сүздән соң район башлыгы бүләкләү тантанасын үткәрде. Район башлыгының Рәхмәт хатлары Россиянең атказанган спортчылары һәм тренерлары Елена Валерьевна Вяльбе, Галина Андреевна Шлыкова, Николай Семенович Зимятов, Александр Александрович Завьялов, Владимир Александрович Голубев, Анатолий Михайлович Ивановка тапшырылды. Эдуард Шәйхнур улы Галиев һәм Рифгать Мидхәт улы Фәрдиев күпьеллык намуслы хезмәтләре һәм үз эшләренә тугрылыклары өчен бүләкләр алдылар. Шулай ук чарада районның хезмәт династияләрен дә хөрмәтләделәр. Мухановлар гаиләсенә (Зәй ГРЭСында гомуми хезмәт стажы — 357 ел), Олехнович-Комаровлар гаиләсенә (209 ел), Захаровлар гаиләсенә («Аккурайд» предприятиесендә 88 ел) һәм медиклар Яшиннар династиясенә (29 ел) рәхмәт хатлары тапшырылды. Махсус хәрби операция зонасында булган хәрбиләргә ярдәм иткәннәре өчен күп кенә зәйлеләр бүләкләнде. Бүләкләнүчеләр арасында-предприятие директорлары, эшмәкәрләр, «Сугышчан туганлык» әгъзалары, волонтерлар, производствода белем бирү мастеры һәм Зәй политехника көллияте студентлары бар иде. РФ Хәрби көчләренең Генераль штабы башлыгы Грамотасы белән яшьләр үзәгенең структур бүлекчәсе мөдире Виктор Михайлович Никифоров билгеләнде. Тантаналы чара музыкаль-театральләштерелгән тамаша белән тәмамланды. Ачылу тантанасы Зәй районының ватанпәрвәрлек һәм бердәмлек кыйммәтләренә тугрылыгының якты символына әверелде.