Капиталь ремонт һәм төзелеш объектлары район башлыгы Р.Г. Кәримов контролендә

Бүген район башлыгы Р.Г. Кәримов республика һәм «СМП - Нефтегаз» АҖнең грант программалары кысаларында гамәлгә ашырыла торган капиталь ремонт объекты - Чыбыклы авыл мәдәният йортында булды. Объектта район Башкарма комитеты җитәкчесе Э.Э.Галиев, район башкарма комитетының җаваплы хезмәткәрләре, подряд һәм ресурслар белән тәэмин итүче оешмалар җитәкчеләре катнашында киңәшмә үткәрелде. Үткәрелә торган ремонт чараларының агымдагы торышына бәя бирелде, башкарылган күләмнәрнең проектларны гамәлгә ашыруның расланган срокларына туры килүен, шулай ук хезмәтне саклау һәм техника иминлеге таләпләренең үтәлешен тикшерү үткәрелде. Әлеге проектны гамәлгә ашыру район халкының тормыш дәрәҗәсен һәм мәдәни ял итү шартларын яхшыртырга мөмкинлек бирәчәк. Шулай ук бу көнне район башлыгы булачак объект урынында Көрәш сарае төзү мәсьәләләре буенча киңәшмә уздырды.