Зәйдә баскетбол буенча мәктәп укучылары «КЭС-БАСКЕТ» ярышларының төбәк финалы уза

6 февральдә Зәйнең 7нче мәктәбендә 2025-2026 уку елы сезонында Татарстан Республикасы гомуми белем оешмалары командалары арасында «КЭС-БАСКЕТ» мәктәп баскетбол лигасы чемпионатының төбәк финалын ачу тантанасы булды. Яшь спортчыларга сәламләү сүзе һәм уңышлар теләп Зәй шәһәре башлыгы урынбасары Сергей Максимов һәм Татарстан Республикасы мәгариф һәм фән министрлыгының Балаларга өстәмә белем бирү һәм укучыларга психологик ярдәм күрсәтүне үстерү идарәсенең Балаларга өстәмә белем бирү һәм тәрбия бирү бүлеге әйдәүче киңәшчесе Лариса Габитова мөрәҗәгать итте. Ярышлар 8 февральгә кадәр бара. Республика чемпионнары исемен яулар өчен Алексеевск, Баулы, Буа, Кукмара, Ютазы, Лениногорск һәм Зәй районнарыннан, Яр Чаллы һәм Казаннан 16 егет һәм кызлар командасы көрәшә. Җиңүчеләр Идел буе федераль округы финалында төбәк исеменнән чыгыш ясаячак. Исегезгә төшерәбез, «КЭС-БАСКЕТ» мәктәп баскетбол лигасы – мәктәп спортын үстерүгә, сәламәт яшәү рәвешен популярлаштыруга һәм үсеп килүче буында команда эше, җаваплылык һәм максатларга ирешүгә омтылыш кыйммәтләрен формалаштыруга юнәлдерелгән масштаблы бөтенроссия проекты.