Шәһәрдә халык белән очрашулар башланды

Зәй шәһәрендә микрорайоннарда яшәүчеләр белән традицион очрашулар башланды. Беренче очрашу бүген Яңа шәһәр микрорайонында район башлыгы Р.Г. Кәримов, шәһәр һәм район предприятиеләре һәм хезмәтләре җитәкчеләре катнашында узды. Район башлыгы Разиф Кәримов үз чыгышында җыелучыларга 2025 елда башкарылган эшләр һәм 2026 елга куелган бурычлар турында сөйләде. 2025 елда Зәй шәһәрен төзекләндерү, үстерү буенча эш һәм 2026 елга куелган планнар белән шәһәр Башкарма комитеты җитәкчесе Наталья Павлова таныштырды. Наҗия Имаметдинова һәм Надежда Бардина «Доверие», «17 подъезд» һәм «Девятиэтажка» торак ширкәтләренең 2025 елда башкарган эшләре һәм 2026 елга бурычлары турында хисап тоттылар. Россия Эчке эшләр министрлыгының Зәй районы буенча бүлеге башлыгы Олег Камалюков микрорайондагы оператив вәзгыять турында сөйләде, гражданнарны мошенниклардан сак булырга, игътибарлы һәм уяу булырга өндәде. Җыелыш башланганчы шәһәр Советы депутатлары һәм тормыш тәэмин итү хезмәтләре җитәкчеләре халыкны кабул итте, аларны борчыган сорауларга аңлатма бирде. Очрашуда катнашучыларга 2025 елда Татарстан Республикасының казанышлары турында видеоролик күрсәтелде. Очрашу бүләкләү тантанасы белән тәмамланды.