Зәйдә гадәттән тыш хәлләр комиссиясе утырышы узды
Быел 14 нче гыйнварда хакимиятнең кече залында Зәй муниципаль районының гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясенең беренче утырышы булды, анда Зәй муниципаль районы һәм Зәй шәһәре гражданнарының «Качману» бәйрәме вакытында су объектларында куркынычсызлыкны тәэмин итү мәсьәләсе каралды.
18 гыйнвардан 19 гыйнварга каршы төндә православие дөньясы Качману бәйрәмен билгеләп үтә. Бәйрәм алдыннан һәм бәйрәм көнендә барлык православие храмнарында суны изгеләндерү йоласы башкарыла. Традиция буенча бу көнне меңләгән дин тотучылар бәкеләрдә коену өчен табигый чыганакларга бара. Зәй муниципаль районында дин тотучыларга коену өчен 2 урын булдырылачак. Болар-Зәй-2дәге «Изге Чишмә» һәм Александр Бистәсе авыл җирлегенең Красный Ярдагы Александр Невский Изге чишмәсе. Коену оешкан рәвештә үтәргә тиеш, кыенлыклар килеп чыккан очракта, урында квалификацияле ярдәм күрсәтү каралган. Шулай ук 18 һәм 19 гыйнварда гыйбадәтханәләрдә гыйбадәт кылулар да узачак.