Зәй китапханәчеләре балалаларны кышкы маҗараларның тылсымлы дөньясына җәлеп итте

9 гыйнварда Сөббух Рәфыйков исемендәге үзәк китапханәдә «Мин салкыннан курыкмыйм!» дигән мавыктыргыч уен программасы узды, ул балаларны кышкы маҗараларның тылсымлы дөньясына җәлеп итте. Яшь кунаклар кышкы тылсым атмосферасына чумдылар: күңелле конкурсларда катнаштылар, табышмакларга җаваплар таптылар һәм татлы сюрпризлар алдылар. Бинада шат авазлар һәм күтәренке кәеф хакимлек итте. Мондый чаралар бәйрәм һәм шатлык рухы тудыра, бигрәк тә балалар өчен. Алар балаларга Яңа ел һәм Раштуа рухын тоярга, вакытларын күңелле һәм файдалы итеп үткәрергә, уңай хис-кичерешләр алырга ярдәм итә. Шунысы мөһим: китапханә китап сөючеләрне генә түгел, ә бергә ял итәргә һәм күңел ачарга теләүчеләрне дә җәлеп итә. Чара һәркемгә күңел күтәренкелеге һәм бәйрәм кәефе бүләк итте!