Зәйдә чаңгы ярышлары буенча ТР укучылары Спартакиадасын ачу тантанасы булды

7 гыйнварда «Ялта-Зәй» спорт әзерлеге үзәгендә Татарстан Республикасы укучыларының чаңгы ярышлары буенча спартакиадасын ачу тантанасы булды. Ярышларда республика районнары һәм шәһәрләренең 17 командасыннан 100 гә якын спортчы, шулай ук Татарстан Республикасы җыелма командасы катнаша. Район башлыгы Разиф Кәримов Татарстанның яшь чаңгычыларын сәламләде һәм уңышлы чаңгы сезонын теләде. Ачылу тантанасында шулай ук район башкарма комитеты җитәкчесе Эмиль Галиев, Татарстан Республикасы чаңгы узышлары федерациясе вице-президенты Эдуард Галиев, «Әлмәт электр челтәрләре «Челтәр компаниясе» акционерлык җәмгыяте филиалы директоры Сергей Огурцов, Зәй электр челтәрләре башлыгы Олег Лукин, «Ялта-Зәй» спорт әзерлеге үзәге директоры Белла Огурцова,ТР чаңгы узышлары федерациясе эшләре идарәчесе Денис Блохин, район башкарма комитеты җитәкчесе урынбасары Регина Камалова, физик культура, спорт һәм туризм идарәсе башлыгы Илзирә Тимеркәева катнашты. Ярышлар 3 көн дәвам итәчәк. Спартакиадага 11 гыйнварда йомгак ясалып, ул җиңүчеләрне һәм призерларны бүләкләү белән төгәлләнәчәк.