2010 елгы яшүсмерләр һәм кечерәкләр арасында Яңа ел турниры Зәйнең "Барс" командасы триумфы белән тәмамланды!

5 гыйнварда узган баскетбол турнирында 4 команда катнашты. “Барс” спорт мәктәбе укучылары бик оста уен күрсәттеләр һәм лаеклы 1 урын яуладылар! Йомгаклау нәтиҗәләре: 1 урын -"Барс" (Зәй), 2 урын - "Девон" (Әлмәт), 3 урын - Мамадыш районы командасы. Турнирда катнашучыларны уңышлары белән котлыйбыз! Яшь чемпионнарга һәм "Барс" спорт мәктәбе тренеры - Асадов Камран Хәсән улына - лаеклы җиңү уңаеннан тәбрикләү сүзләре! Сезнең тырыш хезмәтегез һәм талантыгыз шундый нәтиҗәләр китерә. Барлык катнашучыларга да татлы бүләкләр, медальләр һәм грамоталар тапшырылды. --