Зәйдә сугыш ветераннарын якынлашып килүче Яңа ел белән котладылар
Зәйдә Яңа ел алдыннан шәһәр башлыгы урынбасары Сергей Максимов һәм район ветераннар Советы рәисе Алексей Алексеев шәһәрнең өч хөрмәтле кешесе янында булдылар.
Бөек Ватан сугышында катнашкан 102 яшьлек Леонид Яковлевич Мачтаков, элеккеге концлагерь тоткыннары 97 яшьлек Галина Ивановна Попова һәм быел 95 яшьлек юбилеен билгеләп үткән Мария Трофимовна Винокурова район башлыгы Разиф Кәримов исеменнән котлаулар һәм истәлекле бүләкләр алдылар. Шулай ук Леонид Мачтаковка «Бердәм Россия» партиясенең Татарстан төбәк бүлекчәсеннән бүләк тапшырылды.
Ветераннар олы яшьтә булуларына карамастан, күңел күтәренкелеген һәм акыл сафлыгын саклыйлар. "Кадерле ветераннарыбызны шәхсән котлау һәм аларга бүләкләр тапшыру безнең өчен зур мәртәбә. Аларның батырлыгы һәм ныклыгы - барлык буыннар өчен мәңгелек үрнәк", - дип билгеләп үтте Сергей Максимов.
Ветераннар үз чиратында котлауларга теләктәшлек белдереп, Зәй халкына сәламәтлек, тыныч күк йөзе һәм район иминлеге өчен хезмәтләрендә уңышлар теләделәр. Алар махсус хәрби операциядә катнашучы якташларына, өйләренә исән-сау кайтуларын теләп, аерым рәхмәт сүзләрен җиткерделәр. "Безнең геройлар белән һәр очрашу-ул тормыш дәресе. Алар гаҗәеп сынаулар аша үттеләр, әмма Ватанга мәхәббәтне һәм җиңүгә ышанычны саклап калдылар. Бүген аларның теләкләре — безнең барыбыз өчен дә иң кадерлесе. Без аларның батырлыкларын һәрвакыт истә тотачакбыз һәм аларның иминлеге өчен барысын да эшләячәкбез», - дип өстәде район ветераннар Советы рәисе Алексей Алексеев.