Зәйдә 2025 елда өлкән яшьтәге авыл кешеләрен диспансерлаштыруга китерү эшенә йомгаклар ясалды
«Радость» комплекслы үзәге һәм Зәй үзәк район хастаханәсе уртак эш барышында пенсия яшендәге (65 яшьтән өлкәнрәк) авыл халкын «Гаилә» милли проектының «Өлкән буын» Федераль проекты кысаларында гамәлгә ашырыла торган диспансерлаштыру программасында катнашу өчен шәһәр хастаханәсенә китерүне оештыралар. Авыл җирендә яшәүче өлкән яшьтәге гражданнарны диспансерлаштыруга илтү социаль мәсьәләләрне хәл итүдә, медицина хезмәтләреннән файдалану мөмкинлеген тәэмин итүдә һәм халык арасында авырулар үсешен кисәтүдә төп роль уйный. Өлкән яшьтәге гражданнарны диспансерлаштыру авыруларны профилактикалауга, авырулар үсешенең куркыныч факторларын вакытында ачыклауга һәм өлкән яшьтәге кешеләрнең тормыш сыйфатын яхшыртуга юнәлдерелгән медицина характерындагы чаралар комплексыннан гыйбарәт. Ул даими медицина тикшерүен һәм төрле белгечлекләр табибларына консультацияләр бирүне үз эченә ала. Өлкән яшьтәге гражданнарны диспансерлаштыруның төп максатлары: йөрәк-кан тамырлары авырулары, шикәр чире, онкология авырулары һ. б. кебек өлкән буынга хас хроник авыруларны һәм халәтләрне иртә ачыклау; күрсәтелгән авырулар үсешенә китерә торган хәвеф-хәтәр факторларын ачыклау; пациентларны сәламәт яшәү рәвешенә өйрәтү һәм гамәлдәге авыруларның катлаулануларын профилактикалау; махсуслаштырылган медицина ярдәмен оештыру һәм ачыкланган патологияләрне дәвалау. Көн саен авыл торак пунктларыннан халыкны китерү катгый рәвештә алдан килешенгән график буенча башкарыла. «Шатлык» комплекслы үзәге һәм Зәй үзәк район хастаханәсе белгечләре арасында нәтиҗәле хезмәттәшлек транспорт маршрутларын план расписаниесен бозмаслык итеп җентекләп оештыруны гарантияли. 2025 елның 16 декабренә диспансеризация узу өчен «Зәй үзәк район хастаханәсе» ДАССОга «Радость» үзәгенең махсуслаштырылган автотраспорты белән районыбызның 900 өлкән кешесе китерелде, бу барлык планлаштырылган авыл халкының 100% тәшкил итә. Китерелгән 70 кеше арасында инвалидлык бар. Алар өчен бу бушлай шәһәргә барып кайту, профильле табибларга бару, өстәмә медицина киңәшләре алу мөмкинлеге. Даими диспансерлаштыру өлкән яшьтәге кешеләрнең тормыш сыйфатын яхшыртырга, авыр катлауланулар куркынычын киметергә һәм актив озын гомерлелекне озайтырга ярдәм итә.