2026 елдан салым органында исәпкә кую турында бердәм документ булып өземтә торачак

Россиянең Татарстан Республикасы буенча 11нче районара салым инспекциясе түбәндәгеләрне хәбәр итә: 2026 елның 1 гыйнварыннан салым органында исәпкә кую турындагы таныклык юкка чыгарыла. Физик затлар өчен исәпкә куелуны ЕГРНнан (салым түләүчеләрнең бердәм дәүләт реестрыннан) өземтә раслаячак. Әмма элек бирелгән таныклыкларны үзгәртергә туры килмәячәк, алар үз көчен саклый. БДКМРНнан электрон өземтәдә идентификацияләнүче затның фамилиясе, исеме, атасының исеме, туган көне һәм ИНН турында мәгълүматлар бар. Ул көчәйтелгән квалификацияле электрон имза белән имзалана һәм вазыйфаи затның үз кулы белән имзалаган һәм салым органының мөһере белән таныкланган кәгазьдәге өземтәгә тиң. Шулай ук оешмаларга, индивидуаль эшкуарларга һәм физик затларга учетка кую яки исәптән төшерү турында җибәрелә торган хәбәрнамәләр дә юкка чыгарыла. ЕГРНнан өземтә белән беррәттән салым органында исәпкә куюны яки исәптән төшерүне ЕГРЮЛдан (юридик затларның бердәм дәүләт реестрыннан) өземтә, аккредитацияләнгән филиалларның, чит ил юридик затларының Вәкиллекләренең дәүләт реестрыннан өземтә һәм ЕГРИПтан (шәхси эшмәкәрләрнең Бердәм дәүләт реестрыннан) өземтә раслаячак. Салым органында исәпкә кую яки исәптән төшерү процедуралары нәтиҗәләре буенча, 2026 елның 1 гыйнварына кадәр башланган һәм бу датага тәмамланмаган, таныклыклар һәм хәбәрнамәләр урынына выпискалар биреләчәк.