Зәй командасы «Наше время – Безнең заман» фестивалендә җиңүче

2017 елдан башлап Башкарма комитет командасы Зәй муниципаль районың эшләүче яшьләрен «Наше время – Безнең заман» еллык ачык республика телевизион иҗат фестивалендә тәкъдим итә. Бу елларда фестиваль хәрәкәте 1 мең 700 предприятие, оешма, учреждениедән 12 меңнән артык яшь хезмәткәрне үз эченә алды. 2025 елда фестивальдә республиканың 38 шәһәр һәм районыннан 150 предприятие һәм оешма катнашты, жюри хөкеменә 1200дән артык катнашучы катнашында 300гә якын иҗади номер тәкъдим ителде. Башкарма комитет командасы «Вокал», «Хореография», «Минута славы» һәм «Визитка-презентация» номинацияләрендә «юл хәрәкәте куркынычсызлыгы» ДБУ, «Камаз» ГАҖ, «Газпром трансгаз Казан» ҖЧҖ, "Казан авиация заводы" кебек предприятиеләр белән ярышты. 13 ноябрьдә «Пирамида»мәдәни-күңел ачу комплексында фестивальнең финал гала-концерты булды. Аның нәтиҗәләре буенча безнең команда «Минута славы» һәм «Вокал» номинацияләрендә 2 урынны, «Визитка-презентация» һәм «Хореография» номинацияләрендә 1 урынны алды. Конкурс нәтиҗәләре буенча район Башкарма комитеты командасы гомумкоманда буенча 1 урынны яулады.