Зәйдә чираттагы авыл хуҗалыгы ярминкәсе узды

Бүген «Энергетик» мәдәният сарае каршындагы мәйданда чираттагы көзге авыл хуҗалыгы ярминкәсе узды. Зәй һәм күрше районнарның авыл хуҗалыгы җитештерүчеләре шәһәр халкына ит һәм сөт продукциясе, яшелчә, бал һәм башка бик күп продукция тәкъдим иттеләр. Район башлыгы Разиф Кәримов сәүдә рәтләре буйлап узды, продукциянең сыйфатын һәм бәясен бәяләде. Ярминкәләрдә бәяләр базарныкыннан түбәнрәк, ә продукция табигый, һәм бу шәһәр халкын җәлеп итә дә. Икенче ярминкәдә барлыгы 947 мең сумлык 9 тоннадан артык продукция сатылган. Ярминкәләр күрсәткәнчә, фермер хуҗалыклары, шәхси ярдәмче хуҗалыклар, АПК предприятиеләре продукциясенә халык ихтыяҗы зур. Хөрмәтле зәйлеләр! Киләсе ярминкә 27 сентябрьдә була. Ярминкә 7:00 сәгатьтә башлана. Көтеп калабыз!