Зәйдә гадәттән тыш хәлләр министрлыгы көчләрен һәм чараларын хәрби җәелдерү буенча ярышларның финал этабы ачылды

2025 елның 15 августы, җомга

Бүген Зәй шәһәрендә район башлыгы Кәримов Разиф Гали улы ярдәме белән Федераль янгынга каршы хезмәтнең Татарстан Республикасы буенча территориаль бүлекчәләре арасында көчләрне һәм чараларны хәрби җәелдерү буенча ярышлар узды.

Ярышлар башланыр алдыннан командалар алдында район башлыгы Р.Г. Кәримов, Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсенең янгын сүндерү һәм һәлакәттән коткару эшләрен оештыру идарәсенең 11 нче ПСО башлыгы эчке хезмәт полковнигы А. А. Әхмәтшин, Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсенең янгын сүндерү-коткару бүлекчәләре хезмәтен оештыру бүлеге баш белгече, эчке хезмәт подполковнигы А. Р. Шаһидуллин чыгыш ясадылар.

Ярышларда Казан, Яшел Үзән, Яр Чаллы, Азнакай, Әлмәт һәм Зәй шәһәрләреннән барлыгы 9 команда катнашты. Алар барысы да-чын профессионаллар, аларның тормышлары ут стихиясе белән көрәштә даими куркыныч белән бәйле.

ТР буенча федераль янгынга каршы хезмәтнең территориаль бүлекчәләре арасында көчләрне һәм чараларны җәелдерү буенча ярышлар Россия гадәттән тыш хәлләр министрлыгының Татарстан Республикасы буенча Баш идарәсендә түбәндәге максатларда үткәрелә: ТР буенча федераль янгынга каршы хезмәтнең территориаль бүлекчәләренең янгыннарны сүндерүгә һәм һәлакәттән коткару эшләрен башкаруга әзерлеген арттыру; экстремаль ситуацияләрдә эш итүнең кирәкле күнекмәләрен булдыру; янгын сүндерү, һәлакәттән коткару техникасы һәм җайланмалары белән эшләү буенча белемнәрен, күнекмәләрен камилләштерү, янгын сүндерү һәм һәлакәттән коткару эшләрен уңышлы башкару; ТР буенча ФПС бүлекчәләрендә янгын сүндерүчеләрнең һөнәри осталыгын арттыруны стимуллаштыру.  Ярыш йомгаклары буенча 88 ПСЧ 11 ПСО ФПС ГПС ТР буенча Россия ГТХМ ГУ Зәй шәһәре җиңүче булды, мактаулы икенче урынны 65 ПСО ФПС ТР буенча Россия ГТХМ ГУ Әлмәт шәһәре алды, бронза медаль иясе 55 ПСО ФПС ГПС ТР буенча Россия ГТХМ ГУ Яр Чаллы шәһәре булды.

 Җиңүчеләр медальләр, кубоклар һәм дипломнар белән бүләкләнделәр.

  Мондый ярышлар янгын сүндерүчеләрнең спортта әзерлек дәрәҗәсен күрсәтү мөмкинлеге генә түгел, хезмәттәшләре арасында тәҗрибә уртаклашу өчен дә менә дигән мәйданчык булып тора.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International