Зәйдә республика маркетинг үзәге ресурсларында оешмалар эше мәсьәләсе буенча киңәшмә узды
Бүген «Энергетик» мәдәният йортының конференц-залында «ТР Дәүләт заказы буенча агентлык» АҖ генераль директоры Геллер Яков Вениаминович РМЦ ресурсларында сатып алу эшчәнлеген гамәлгә ашыру мәсьәләсе буенча киңәшмә уздырды. Киңәшмәдә район башлыгы Кәримов Разиф Гали улы, Татарстан Дәүләт Советы депутаты Комаров Рияз Фоат улы, район Башкарма комитеты җитәкчесе Галиев Эмиль Эдуард улы, район предприятиеләре, оешмалары, учреждениеләре вәкилләре, шәхси эшмәкәрләр катнашты. Яков Вениаминович киңәшмәдә катнашучыларга җирле тәэмин итүчеләр мәйданчыкларына чыгу, продукцияне бушлай рекламалау, муниципаль район производствосын киңәйтү, шулай ук сату базары һәм кече һәм урта бизнеска һәм үзмәшгульләргә ярдәм күрсәтүне үз эченә алган маркетинг үзәге мөмкинлекләре турында сөйләде. Шулай ук спикер «Биржа мәйданчыгы» сәүдә агрегаторында эшләүнең өстенлекләре һәм «223-ФЗ»18.07.2011 Федераль законы буенча сатып алулар кысаларындагы эш нечкәлекләре турында сөйләде. Киңәшмәгә район башлыгы Разиф Гали улы Кәримов йомгак ясады, анда алга таба эшләргә максатлар куелды.