Район башлыгы шәһәр һәм районның капиталь ремонт һәм төзелеш объектларын карап чыкты

Бүген район башлыгы Разиф Кәримов шәһәр һәм районның капиталь ремонт һәм төзелеш объектларын карап чыкты. Эш планына берничә объект кертелгән иде. Разиф Гали улы Ленин ур., 7, 8, 9, Орджоникидзе урамнарындагы күпфатирлы йортларны һәм хакимият биналарын капиталь ремонтлау эшләренең барышы белән танышты. Сәфәрдә район башлыгы белән бергә Башкарма комитеты җитәкчесе Эмиль Галиев, подряд оешмалары һәм җаваплы хезмәтләр вәкилләре катнашты. Разиф Гали улы графикка кертелгән барлык объектларның эше, төзелеш – ремонт эшләре барышы белән шәхсән танышты, подрядчылар белән тапшыру сроклары, башкарылган эшләрнең сыйфаты турында фикер алыштылар, тикшерү нәтиҗәләре буенча җаваплы затларга тиешле йөкләмәләр бирде.