Уразманов Хәлил «МТЗ-ШОУ»- тракторларны фигуралы йөртү буенча республика чемпионатында җиңүче булды

2025 елның 9 июленнән 11 июленә кадәр «Казан Экспо» Халыкара күргәзмәләр үзәгендә Татарстан Республикасы Рәисе Р.Н.Миңнеханов, Россия Федерациясе Авыл хуҗалыгы министрлыгы җитәкчелеге, Россия Федерациясе регионнарыннан башка рәсми затлар һәм эре агробизнес вәкилләре катнашында «АГРОВОЛГА 2025» Халыкара агросәнәгать күргәзмәсе уза. Әлеге чарада Зәй муниципаль районы делегациясе дә катнаша. «Агроволга-2025» кысаларында 9 июльдә тракторларны фигуралы йөртү буенча «МТЗ-ШОУ»республика чемпионаты узды. Анда Татарстан Республикасының барлык районнарыннан 49 дәгъвачы катнашты. Безнең районнан «Зәй «агрофирмасы» ҖЧҖ механизаторы Уразманов Хәлил дә катнашып, 1нче мактаулы урын алды һәм җиңүче булды. Аңа приз итеп тагылмалы мотоблок тапшырылды. Лаеклы җиңүегез белән котлыйбыз һәм алга таба да уңышлар телибез!