Зәй делегациясе "Бердәм Россия" партиясе чарасында катнашты
Бүген Казанда 2025 елның 14 сентябрендә узачак сайлауларда Татарстан Республикасы Рәисе вазыйфасына кандидат итеп күрсәтү өчен кандидатураны билгеләү буенча «Бердәм Россия» партиясенең алдан тавыш бирү кандидатлары партиянең җирле һәм беренчел бүлекчәләре сәркатипләре белән очрашты. Очрашуда район башлыгы Р.Г. Кәримов җитәкчелегендәге Зәй делегациясе дә катнашты, аның составында – «Бердәм Россия» партиясенең җирле бүлекчәсе башкарма сәркатибе Петр Тимаськов, район Советы Аппараты җитәкчесе Ландыш Ананьева, авыл җирлекләре башлыклары бар иде. Беренчел бүлекләр сәркатипләре алдында ТРның хәзерге Рәисе Рөстәм Миңнеханов һәм РФ сенаторы Александр Терентьев чыгыш ясады. Партиянең төбәк советы Президиумы өстенлекне Миңнеханов кандидатурасына бирде. Хәзер аны бердәмроссиялеләрнең Генсоветы расларга тиеш. «Бердәм Россия» үз кандидатын күрсәтү турында соңгы карарны 26 июньдә төбәк конференциясендә кабул итәчәк. Татарстан Рәисен сайлаулар 2025 елның 14 сентябренә билгеләнгән.