Радик Сәлахов Якутия Сабантуенда баш батыр калды

2025 елның 16 июне, дүшәмбе

14 июньдә Якутиядә XXV Федераль Сабантуй узды, анда Зәйдән көрәш буенча биш тапкыр дөнья чемпионы булып калган якташыбыз Радик Салахов Абсолют батыры булып калды. Саха Республикасында узган ярышларда ул беренче тапкыр катнашып, искиткеч нәтиҗә күрсәтте һәм төп призга - традицион тәкә урынына төньяк боланына лаек булды. Көрәш буенча ярышларда Россия төбәкләреннән 70тән артык спортчы катнашты.