Юлия Федоровна Симашевадан Рәхмәт хаты

Район башлыгы Р.Г. Кәримов исеменә СССРның атказанган спорт мастеры, Дөнья һәм Олимпия уеннары чемпионы Ф.П. Симашевның кызы Юлия Симашевадан хат килде, анда ул районга әтисе турындагы истәлекне саклаганы һәм чаңгы спортын үстергәне өчен рәхмәт белдерә. Хөрмәтле Разиф Галиевич! Әтием - СССРның атказанган спорт мастеры, дөнья һәм Олимпия уеннары чемпионы Федор Петрович Симашев истәлегенә багышланган ярышларны оештырган һәм үткәргән өчен Сезгә ихлас рәхмәтемне җиткерәсем килә. Ярышларның барлык көннәре дә җылы һәм чын бәйрәм атмосферасында узды, бу исә чаңгы ярышларының Зәй районында һәм республикада зур кызыксыну уятуын күрсәтә. Минем әти үзенең кече ватанында чаңгы спортын үстерү буенча нинди зур эш алып барылганын белсә - бик шат булыр һәм Зәй спортчыларының югары нәтиҗәләр күрсәтүләре белән горурланыр иде,- дип ышанам. Чын күңелдән Зәй районының барлык спортчыларына алга баруларын һәм яңа үрләр яулауларын телим! Мин, гаиләм белән Зәйгә ярышларга гына түгел, бу матур төбәкнең, әтиемнең ватанының гаҗәеп энергиясен сеңдерү өчен дә киләбез. Хөрмәт белән, Ю.Ф. Симашева.