Май чабу: зәйлеләр кышны озатып, язны каршы ала
Май чабу - елның иң күңелле һәм көтеп алына торган бәйрәмнәренең берсе, аны бәйрәм итү җиде көн дәвам итә. Бүген «Энергетик» мәдәният сарае мәйданында Май чабуга һәм кышны озатуга багышланган «Истәлекләр язы» күңел ачу чарасы узды.
Бәйрәм мәйданга кунакларны һәм шәһәр һәм район халкын җыйды. Биредә иртәдән үк авыл хуҗалыгы ярминкәсе оештырылды, анда авыл җирлекләре дә катнашты.
Бәйрәм белән җыелган халыкны район башлыгы урынбасары П.С. Уразайкин котлады һәм «Ел хатын-кызы. Ел ир-аты: хатын-кыз карашы» бәйгесе җиңүчеләренә бүләкләр тапшырды. «Ир – ат - лидер» номинациясендә диплом һәм бүләк сертификатын Никифоров Виктор Михайлович алды, «Хатын - кыз - ана» номинациясендә - Кондратьева Ирина Константиновна, «Хатын – кыз - мәдәният һәм рухият» номинациясендә - Гарифуллина Илһамия Рәис кызы, «Минем язмышым-минем һөнәрем» номинациясендә - Гыйниятова Флюра Мөнәвир кызы, «Өченче яшь героинясы» номинациясендә-Шәфиева Әнисә Котдус кызы бүләкләнделәр. Бәйрәм «Май чабу» театральләштерелгән тамашасы белән дәвам итте, аны «Энергетик» мәдәният сарае артистлары һәм солистлары күрсәтте. Аннан соң район мәдәният йорты ижат коллективлары һәм башкаручыларының концерт программасы тәкъдим ителде.