Зәйдә махсус хәрби операциядә катнашучылар белән хушлаштылар

25 февральдә зәйлеләр якташларын - махсус хәрби операциядә катнашучы Батьков Александр Николаевич һәм Вырыпаев Олег Валерьевичны соңгы юлга озаттылар, алар, чын ир-атлар буларак, соңгы көнгә кадәр хәрби антларына тугры калдылар һәм туган ил чикләрен саклау эшенә зур өлеш керттеләр. Матәм панихидасы «Энергетик» мәдәният йортында узды. Район башлыгы Р.Г. Кәримов һәлак булганнарның туганнарына һәм якыннарына кайгы уртаклашу сүзләре белән мөрәҗәгать итте. Җыелучылар алдында шулай ук Татарстан Республикасы Хөкүмәтеннән куратор И. Н.Гущин, Зәй шәһәре һәм Зәй районы хәрби комиссары А. Ф. Әгъләмҗанов чыгыш ясады. Хәрбиләрне бер минут тынлык белән искә алдылар. Аларны соңгы юлга барлык хәрби хөрмәтләрне үтәп озаттылар. Батьков Александр Николаевичны Мирный микрорайоны зиратына, Вырыпаев Олег Валерьевичны Яңа шәһәр микрорайоны зиратына җирләделәр. Ватанны саклаучылар истәлеге зәйлеләрнең йөрәгендә озак яшәр!