Район башлыгы зәйлеләрне Ватанны саклаучы көне белән котлады

Бүген «Энергетик» мәдәният сараенда Ватанны саклаучылар көненә багышланган "От героев былых времен..." концерты булды. Концертка шәһәр һәм район халкы, предприятие, оешма һәм учреждение хезмәткәрләре, сугыш хәрәкәтләрендә катнашучылар, волонтерлар, җәмәгатьчелек вәкилләре килде. Тамашачыларны бәйрәм белән район башлыгы Р.Г. Кәримов котлады. Ул билгеләп үткәнчә, теләсә кайсы ир-ат, ул хәрби постта яки тыныч эш белән шөгыльләнәме, барыннан да элек - үз иленең яклаучысы. Ә махсус хәрби операциядә катнашучылар бүген тулы мәгънәсендә туганнарын һәм якыннарын, кече ватаннарын, илебезне саклаучылар булып торалар. Разиф Галиевич аларның гаиләләренә чиксез мәхәббәт, кайгыртучанлык, сабырлык һәм рухи көч өчен рәхмәт белдерде. Район башлыгы шулай ук Бөек Ватан сугышы авырлыкларын үз җилкәләрендә күтәргән ветераннарга, локаль конфликтлар ветераннарына, запастагы рядовойларга һәм офицерларга, Россия Кораллы Көчләре сафларында хезмәт итүсе солдатларга рәхмәт сүзләрен җиткерде. Чара озак көтелгән Җиңүне якынайтуга лаеклы өлеш кертүче зәйлеләрне бүләкләү тантанасы белән дәвам итте. Сугышчан бурычларны үтәгәндә күрсәткән батырлыгы һәм фидакарьлеге өчен махсус хәрби операциядә катнашучы Махов Руслан Петрович Россия Федерациясе Оборона министрлыгының «Сугышчан батырлыклары өчен» медале белән бүләкләнгән. Бүләк хатыны Мария Ивановнага һәм әнисе Сәхимә Ибраһимовнага тапшырылды. Гуманитар йөк формалаштыруда һәм илтеп җиткерүдә күрсәткән ярдәмнәре, махсус хәрби операция зонасында булган хәрбиләргә һәрьяклап ярдәм иткән өчен «СВОга ярдәм иткән өчен» медале Софин Виталий Валерьевичка, Соловьев Дмитрий Владимировичка, Звонник Вера Васильевнага, Шабаева Елена Григорьевнага, Ильина Елена Валерьевнага тапшырылды. «Свода ярдәм иткән өчен» медале, 29656 нчы хәрби часть командирының Рәхмәт хаты һәм 430 нчы мотострелковый полк командирының Рәхмәт хаты Басыйров Александр Владимировичка тапшырылды. «Тыл хезмәтчәне» медале Зеленин Анатолий Владимировичка, Уразайкин Владимирга тапшырылды. «Гуманитар ярдәмдә катнашучы» медале белән Тихонов Николай Николаевич бүләкләнде. Ватанны саклауга керткән зур шәхси өлеше һәм хәрби бурычын лаеклы үтәгәне өчен Зәй муниципаль районы башлыгының Мактау грамотасы белән Абрамов Евгений Николаевич бүләкләнде. 9 кеше актив гражданлык позициясе һәм хәрбиләргә гуманитар ярдәм формалаштыруга керткән өлешләре өчен Зәй муниципаль районы башлыгының, 8 кеше «Җылы Зәй» хәйрия фонды башкарма директорының Рәхмәт хаты белән бүләкләнде. Шәһәр коллективлары үзләренең иң яхшы һәм яңа номерларын башкардылар. Концерт программасы Бөек Ватан сугышы тарихын сөйләүче һәм Ватаныбыз геройларын данлаучы төрле жанрлардагы чыгышларга бай булды. Сугыш еллары җырын гитара астында башкарган запастагы өлкән прапорщик Сергей Исаковның чыгышын тамашачылар аеруча җылы каршы алды. "Русская душа" ансамбле җитәкчесе Людмила Заплутахина хәзерге Ватанны саклаучылар турында сөйләде. Ул хәзерге вакытта СВО зонасында булган улы өчен борчылулары һәм горурлыгы белән уртаклашты. Концерт номерлары төрле хисләр уятты: күз яшьләре, елмаюлар, илебезнең Бөек тарихы белән горурлану. Концерт барлык катнашучылар һәм оештыручылар адресына алкышлар һәм рәхмәт сүзләре белән тәмамланды. Бу чара Ватаныбызны саклаучыларга хөрмәт һәм ватанпәрвәрлек бәйрәменә әверелде.