Зәйнең муниципаль бюджет кино учреждениесендә "Тере хәтер" чарасы узды

Муниципаль бюджет кино учреждениесе хезмәткәрләре «Яшьләр һәм балалар»милли проекты кысаларында актив эш алып баралар. Милли проект кысаларында уздырыла торган чаралар 14 яшьтән 35 яшькә кадәрге яшьләрнең талантларын үстерү һәм үз-үзләрен тормышка ашыру өчен уңайлы мохит булдыруга юнәлдерелгән. «Без бергә» федераль проекты кысаларында, Ватаннан читтә хезмәт бурычын үтәгән россиялеләрне искә алу көне алдыннан, Кино учреждениесендә «Тере хәтер» чарасы узды, ул барлык катнашучыларның йөрәкләрендә тирән эз калдырган кешелеклелек һәм патриотизмны искә төшерде. Илебез геройлары истәлегенә бер минут тынлык игълан ителде. Очрашуга Зәй политехника көллияте студентлары, педагоглар, сугышчан хәрәкәтләр ветераннары, «Ватанны саклаучылар» махсус хәрби операциясендә катнашучыларга ярдәм итү дәүләт фондының Зәй муниципаль районындагы филиалы социаль координаторы Зиннурова Наталья, «Сугышчан туганлык» ветераннар оешмасының Зәй ТВО бүлеге рәисе Хватков Сергей чакырылган иде. Хәрби комиссариатның гражданнарны хәрби хезмәткә әзерләү һәм чакыру бүлеге башлыгы Гурьянов А.Ю., яшь буында гражданлык позициясен һәм патриотик аңны формалаштыру буенча әңгәмә үткәрде. Педагоглар фикеренчә, мондый чаралар буыннар элемтәсен гәүдәләндерә. Бу очрашу яшьләр арасында патриотизм тәрбияләүдә мөһим вакыйгага әверелде, илебез тарихы сугышта реаль тормышны кичерүчеләрнең шәхси истәлекләре аша күрсәтелде.