Зәйдә Ватаннан читтә хезмәт бурычын үтәгән россиялеләрне искә алу көненә багышланган тантаналы чара узды

Район Башкарма комитетының яшьләр эшләре идарәсе хезмәткәрләре Совет гаскәрләрен Әфганстаннан тулысынча чыгару көненә багышланган чаралар үткәрделәр. Барлык үткәрелгән чаралар «Яшьләр һәм балалар»милли проектының бурычларын тормышка ашыра. Сугышчы-интернационалистларны искә алу көненә һәм Совет гаскәрләрен Әфганстаннан чыгаруга 36 ел тулуга багышланган чараларның берсе 15 февральдә Зәй шәһәрендәге Азат итүче сугышчы һәйкәле янында узды. Зәй районыннан Әфганстан һәм Чечнядагы локаль конфликтларда 420 сугышчы-интернационалист катнашкан. Бу дата-символик. Анда антка тугрылык, хезмәт бурычына тугрылык, үз илләренең мәнфәгатьләрен яклап, җир йөзендәге иң кадерле нәрсәләрне - тормышны биргән солдат һәм офицерларның фронт кардәшлеге чагыла. Чарада катнашучыларны район башлыгы урынбасары Уразайкин Петр Сергеевич, Зәй хәрби комиссариатының хәрби хезмәткә чакыру бүлеге башлыгы Гурьянов Александр Юрьевич һәм ветераннар Советы рәисе Алексеев Алексей Васильевич сәламләде. Шулай ук бу истәлекле кышкы көндә Мәңгелек ут янына патриотик берләшмәләр: «Гвардия» хәрби-патриотик клубы, «Форпост» ФПООП ҮМ(С), «Боевое братство» ВООВ вәкилләре һәм Зәй шәһәренең уку йортлары укучылары җыелды. Истәлекле чара ахырында һәлак булганнарны бер минут тынлык белән искә алдылар һәм чәчәкләр салдылар.