Зәйдә махсус хәрби операциядә катнашучы белән хушлаштылар
Бүген Зәй махсус хәрби операциядә катнашучы рядовой Әкбәров Данил Рөстәм улы белән хушлашты. Ул хәрби бурычны үтәү барышында һәлак булган. Матәм панихидасы «Энергетик» мәдәният йортында узды. Район башлыгы Разиф Кәримов ТР Рәисе Рөстәм Миңнеханов, шәхсән үзе һәм барлык зәйлеләр исеменнән һәлак булучының туганнары һәм якыннарына кайгы уртаклашу сүзләре белән мөрәҗәгать итте. "Бүген без тагын бер героебызны -Данил Рөстәм улы Әкбәровны соңгы юлга озатабыз – ул йөрәге кушуы буенча Ватанны саклаучылар сафына баскан, соңгы көнгә кадәр хәрби антына тугры калып, туган илебез чикләрен саклауга бәяләп бетергесез өлеш керткән. Данил кебек батыр солдатлар ярдәмендә без барыбыз да тыныч күк йөзе астында яшибез һәм Ватаныбызның чын патриотын тәрбияләгәннәре өчен сугышчының якыннарына чын күңелдән рәхмәтебезне белдерәбез. Кайтарып булмаслык югалтудан килгән авыртуны бернинди сүз белән дә аңлатып булмый. Без үз шәһәребезнең лаеклы улын югалттык һәм үз гомерләре бәрабәренә Ватан мәнфәгатьләрен яклаучылар истәлегенә үзебез лаеклы булырга тиешбез. Кайтарып булмаслык югалту уңаеннан чын күңелдән кайгы уртаклашу сүзләрен кабул итегез", - диде Разиф Галиевич. Җыелучылар алдында шулай ук Татарстан Республикасы хөкүмәтеннән куратор И. Н.Гущин, Зәй шәһәре һәм Зәй районы хәрби комиссары А. Ф. Әгъләмҗанов чыгыш ясады. Данил Рөстәм улын соңгы юлга барлык хәрби хөрмәтләр белән озаттылар. Солдатны бер минут тынлык белән искә алдылар. Данил Әкбәр улын Зәй-2 микрорайоны зиратына җирләделәр. Герой турындагы истәлек зәйлеләр күңелендә озак сакланыр.