Зәйдә Муниципаль чыршы бәйрәме-2024 узды

Бүген “Энергетик” мәдәният сараенда «Муниципаль чыршы-2024» Яңа ел бәйрәме узды. Чарада 262 яхшы укучы һәм активист, махсус хәрби операциядә катнашучы гаиләләрдән 238 бала катнашты. Алар барысы да фәнни олимпиадаларда һәм техник проектларда җиңүчеләр, районның иҗтимагый тормышында актив катнашучылар иде. Зәй муниципаль районы башлыгы Кәримов Разиф Гали улы барлык балаларны якынлашып килүче 2025 ел белән котлады, аларның уңышларын билгеләп үтте, «Безнең өмет» гранты җиңүчеләренә акчалата сертификатлар тапшырды. Җиңүчеләр - Зәй районының мәгариф, фән һәм техника өлкәләрендә югары уңышларга ирешкән 15 укучы. Бәйрәм матур интерактив тамаша күрсәтү белән төгәлләнде һәм, әлбәттә, барлык балаларга да Яңа ел күчтәнәчләре тапшырылды.