Зәйдә район һәм шәһәр Советларының чираттагы утырышлары узды

9 декабрьдә хакимиятнең зур залында район башлыгы Разиф Кәримов рәислегендә дүртенче чакырылыш район Советының һәм Зәй шәһәр Советының чираттагы утырышлары булды. Көн тәртибенә 20 сорау кертелгән иде. Утырышта депутатлар караган төп мәсьәләләр: Зәй муниципаль районының 2025 елга һәм 2026 һәм 2027 елларның план чорына социаль – икътисади үсеш фаразы, әлеге чорларга район һәм шәһәр бюджетларын раслау. Депутатлар төп финанс документларының тәкъдим ителгән проектларын бертавыштан хупладылар. Бер көн соңрак авыл җирлекләре Советлары утырышларында җирле советлар депутатлары тарафыннан 22 авыл җирлегенең 2025 елга һәм 2026 һәм 2027 елларның план чорына бюджет проектлары кабул ителде.