Зәйлеләр махсус хәрби операциядә катнашучы якташларыбызга гуманитар ярдәм тапшырып кайттылар
Ноябрь ахырында Җиңү бульварыннан зәйлеләр махсус хәрби операциядә катнашучылар өчен кирәкле барлык әйберләр белән комплектланган зур фура озаттылар, ул сугыш зонасына исән-имин китереп җиткерелде. Гуманитар йөк Зәй хәрбиләре гаризалары буенча җыелды һәм 100 процентка үтәлде. Шулай ук ярдәм Луганскның хәрби госпитальләренә җибәрелде.
Район башлыгы Разиф Кәримов Җиңүне якынайтуга өлеш керткән һәм Зәй хәрбиләренә даими ярдәм күрсәткән зәйлеләргә Рәхмәт белдерде.
"Фураны 27 ноябрьдә өч ноктада төяделәр. Бу юлы Зәй сугышчыларына «ВАЗ-2107» һәм «Нива» шевроле автомобильләре, фанерлар, 1,5 куб такта, «Урал» автомобиле өчен 10 тәгәрмәч, 10 данә резина, «УАЗ» автомобиленә 16 тәгәрмәч, 8 R14 тәгәрмәче, 700 метр СИП 2х16 кабеле, 3 электрогенератор, 45 буржуй-мич, газ баллоннары, плитәләр, горелкалар, такталар, окоп шәмнәре, маскировка челтәрләре, тиз әзерләнә торган продуктлар, госпитальләр өчен медикаментлар, карават яны өстәле, җылы кием, култык таягы һәм башкалар әзерләнгән иде», - диде район башлыгы урынбасары Петр Уразайкин.
"Генераторларның берсен «Водоканал» оешмасы бирде, икенчесен – Сапогов фамилияле бабай, өченчесен Яр Чаллыдан китерделәр. «Зәй» кушаматлы сугышчыга «ВАЗ-2105», ә «Моряк» кушаматлы сугышчыга «Нива» машинасы җибәрелде. Зәй «балык хуҗалыгы» җитәкчеләре Александр Никитин һәм Федор Дятловка хәрбиләрнең кирәкле әйберләрне саклау урынын биргәннәре өчен рәхмәт әйтәсе килә. Александр Никитинның әтисе Алексей абый «ВАЗ-2105» бүләк итте, - ди Кораллы Көчләр ветераны Валентин Атласов.
Моннан тыш, хәрбиләргә исемле посылкалар да озатылган иде. Солдатлар район һәм шәһәр яңалыкларыннан хәбәрдар булсыннар өчен, аларга яраткан «Яңа Зәй» һәм «Зәй офыклары» газеталарын да алып бардылар. Шулай ук сугышчыларга чиркәүдә изгеләндерелгән һәм кайчандыр Украинада язылган иконалар җибәрделәр.
Яңа елга кадәр районнан СВО зонасына гуманитар ярдәм белән тагын бер зур фура юл тотачак. Ярдәм итү теләге йөзләгән кешене берләштерә-бу аерым зәйлеләр, хезмәт коллективлары, шәхси эшмәкәрләр, мәктәп укучылары, мәктәпкәчә яшьтәгеләр, авыл җирлекләрендә яшәүчеләр дә. Гуманитар йөкне СВО зонасына район башлыгы урынбасары Петр Уразайкин, Валентин Атласов, Эркин Касимов озатып кайтты, фура руле артында элеккечә - алыштыргысыз, тәҗрибәле Виталий Софин булды.