Зәйдә авыл хуҗалыгы ярминкәсе узды

Зәй муниципаль районында атна саен авыл хуҗалыгы ярминкәләре үз эшен дәвам итә. Ярминкәләр югары социаль әһәмияткә ия һәм «кече һәм урта эшмәкәрлек» милли проекты кысаларында уза, Зәй районы, якындагы шәһәрләр һәм республика районнары җитештерүчеләренең авыл хуҗалыгы продукциясен сатуның иң кирәкле форматларының берсе булып тора. Шәһәр халкына арзан бәядән төрле продуктлар: кош ите, йомырка, сыер ите, дуңгыз ите, сарык ите, бәрәңге, яшелчә, сөт һәм сөт продуктлары, кондитер әйберләре, бал һәм башкалар тәкъдим ителә. Быел барлыгы 23 ярминкә уздырылган. Авыл хуҗалыгы ярминкәләрендә фермерлар да, шәхси ярдәмче хуҗалыклар да актив катнаша. Фермерлар Карташов Н. В., Ионов В.И, Носов А. М., Сироткин В. В. дуңгыз ите саталар. Быля А. С.һәм Кузнецов А. н.шәхси хуҗалыклары сыер, дуңгыз һәм сарык ите саталар. Чыбыклыдан Рамазанов Р.Г. шәхси ярдәмче хуҗалык үз умарталыгыннан бал сата. Агросәнәгать паркы, беренче ярминкәдән башлап, шәһәр халкына һәрвакыт сыер һәм ат ите тәкъдим итә. Шулай ук һәр көз фермер И.Шәйгарданов үз хуҗалыгыннан яшелчәләр: кәбестә, суган, кишер, чөгендер сата. Халык товарның төрле ассортиментыннан булуыннан бик канәгать кала.