Зәйдә профсоюз активы конференциясе узды
Бүген хакимият бинасының зур залында Зәй муниципаль районының дәүләт учреждениеләре хезмәткәрләренең профсоюз активы конференциясе узды. Конференция эшендә Россия Федерациясе дәүләт учреждениеләре һәм иҗтимагый хезмәт күрсәтү хезмәткәрләренең гомумроссия һөнәр берлегенең Татарстан Республика оешмасы рәисе О.А. Калашникова катнашты. Конференцияне район башлыгы урынбасары П.С. Уразайкин алып барды. Зәй муниципаль районында дәүләт учреждениеләре һәм җәмәгать хезмәте күрсәтү хезмәткәрләренең гомумроссия һөнәри берлегенең сайланулы органнары эше турындагы мәсьәлә буенча Зәй муниципаль районында дәүләт учреждениеләре һәм җәмәгать хезмәте күрсәтү хезмәткәрләре һөнәр берлекләренең республика комитетының ышанычлы вәкиле Е.В.Недошивина, «Радость» халыкка социаль хезмәт күрсәтү комплекслы үзәгенең башлангыч һөнәр берлекләре оешмасы рәисе С. М. Сало, Зәй районы һәм шәһәре Советы хезмәткәрләре башлангыч һөнәр берлекләре оешмасы рәисе И.Г. Борисова чыгышлары тыңланды. Конференциядә шулай ук РФ Дәүләт учреждениеләре һәм җәмәгать хезмәте күрсәтү хезмәткәрләренең гомумроссия һөнәри берлеге Татарстан республика оешмасының XXXII хисап-сайлау конференциясенә делегат сайлау, профсоюзның республика комитеты составына кандидатура күрсәтү, яшьләр советы составын раслау мәсьәләләре каралды. Йомгак ясап, Россия Федерациясе дәүләт учреждениеләре һәм иҗтимагый хезмәт күрсәтү хезмәткәрләренең гомумроссия һөнәр берлегенең Татарстан Республика оешмасы рәисе О.А. Калашникова Зәй профсоюзлары активының яхшы, көйле эшләвен билгеләп үтте, коллективларда профсоюз әгъзаларының санын арттыру буенча үз тәкъдимнәрен җиткерде һәм киләчәктә дә эшләрендә уңышлар теләде. Конференция бүләкләү тантанасы белән тәмамланды. Татарстан Республикасында профсоюзларга социаль партнерлыкны үстерүдә ярдәм иткән өчен профсоюзларның республика комитетының Мактау грамотасы белән Зәй муниципаль районы башлыгы урынбасары Уразайкин Петр Сергеевич бүләкләнде, профсоюзларның устав максатларын һәм бурычларын тормышка ашыруда ярдәм иткән өчен профсоюзларның республика комитетының Мактау грамотасы белән 7 кеше бүләкләнде.