Әйтерсең, без оҗмахта

Район үсеше өчен төрле тармакларда фидакарь хезмәт куйган, белем бирү, сәламәтлек саклау һ.б. өлкәләрдә тырышып эшләгән, хәзерге вакытта лаеклы ялдагы мөхтәрәм райондашларыбызны хөрмәтләү йөзеннән узган ел район башлыгы Татьяна Воропаева инициативасы белән аларга «Ялта-Зәй»дә бушлай ял итү, сәламәтлекләрен ныгыту мөмкинлеге тудырылган иде. Әлеге күркәм башлангыч быел да районда игълан ителгән Шәфкатьлелек елы кысаларында дәвам итә. Бүгенге көндә 40 кеше «Шатлык» халыкка социаль хезмәтләр күрсәтү үзәгенең тернәкләндерү бүлегендә ял итә.