Зәй әниләре сәнгать мастер-классында булдылар

"Дуслык" яшьләр үзәгендә шәһәребезнең яшь әниләре буш вакытларын картина язуга багышлады. Алар сәнгать мастер-классында катнаштылар. Рәссам-керамист Ксения Жижикина җитәкчелегендә катнашучыларның һәркайсы үз иҗат җимешендә ана һәм бала арасында була торган җылылык һәм мәхәббәт хисләрен чагылдыра алды. Тормышыгыз да сезнең картиналарыгыздагы кебек үк якты төсләр белән балкысын! Һәр туар көн уңай хис-кичерешләр һәм истәлекләр генә алып килсен! Һәр мизгел шатлык һәм күңел күтәренкелеге белән тулып торсын!