Зәй районында тагын ике өлкән буын аралашу үзәге үз ишекләрен ачты
22 ноябрьдә Зәй районында өлкән буын аралашу үзәге үз ишекләрен ачты. Үзәккә беренче килүчеләрне ТР буенча СФР бүлегенең клиент хезмәтләре җитәкчесе Лилия Камалюкова һәм район Башкарма комитеты җитәкчесенең социаль мәсьәләләр буенча урынбасары Светлана Ревина, Россия Пенсионерлар берлегенең җирле бүлекчәләре активистлары, иҗтимагый оешмалар һәм иҗат берләшмәләре вәкилләре җылы сәламләде. Өлкән буын аралашу үзәкләре кунаклары өчен «Русская душа» ансамбле чыгыш ясады, үз шигырьләрен җирле шагыйрә Надежда Чепурная укыды. Кунаклар шулай ук өйдә пешкән камыр ризыклары белән чәй эчүдән ләззәт алдылар. "Без пенсионерларыбызның үзәкләргә никадәр актив йөрүләрен күрәбез. Биредә алар яңа дуслар табалар, үз сәләтләрен үстерәләр, уңайлы шартларда аралашудан ләззәт алалар. Проектны башлап җибәргәннән бирле безнең аралашу үзәкләрендә 500дән артык чара узды, аларда 1000нән артык пенсионер катнашты», - дип билгеләп үтте Россия Социаль фондының Татарстан Республикасы бүлеге идарәчесе Эдуард Вафин. Зәй районы аралашу үзәкләрендә пенсионерларның ялын оештыру өчен уңайлы шартлар тудырылган: өстәл уеннары буенча мастер-класслар һәм турнирлар уздыру өчен җайлаштырылган ял зоналары барсыда бар. "Миңа үзәктә бик ошый! Бу безгә кызыклы кешеләр белән аралашырга, төрле чаралар оештырырга, мастер — класслар үткәрергә, күргәзмәләр оештырырга, финанс һәм компьютер белеме алырга өстәмә мөмкинлекләр бирә", - дип үз тәэсирләре белән уртаклашты Зәй районы үзәге җитәкчесе Ирина Куликова. Гражданнар аралашу үзәкләренең адреслары, эш графигы һәм чаралар планы белән СФР сайтының төбәк битендә таныша алалар. Актуаль яңалыклар белән сез безнең социаль челтәрләрдә — ВКонтакте, Одноклассники һәм Telegram да таныша аласыз, шулай ук Россия Социаль фонды бүлекчәсенең Татарстан Республикасы буенча Бердәм контакт - үзәге телефоны буенча консультация ала аласыз: 8-800-1-00000-1.