Чираттагы ашыгыч гуманитар ярдәм Зәйдән Лисичанскка озатылды

10 ноябрьдә Җиңү бульварыннан гуманитар йөкне озатырга район җитәкчелеге, активистлар, битараф булмаган зәйлеләр килде. Зур йөк автомобиле белән юлга - махсус хәрби операция зонасына ике дистәдән артык гуманитар ярдәм илткән тәҗрибәле йөртүче Виталий Софин чыкты. «Татарстан Республикасының Лисичанск шәһәрендәге кураторыннан ашыгыч үтенеч килде. Анда төзүчеләребез 27 нче мәктәпкә капиталь ремонт ясап бетерделәр, җылылык трассасы үткәрделәр, хәзер тиз арада утеплитель-җылыткыч кирәклеген хәбәр иттеләр. 400 мең сумнан артыклык кирәкле продукция белән тәэмин иткән «ТЕХНО» заводына зур рәхмәтебезне белдерәбез. Заказны Зәй районы хакимияте түләде. Хәерле юллар булсын, җиңү безнең якта булыр!” - диде чыгыш ясап район башлыгы Разиф Кәримов. «Зәй җылысы» хәйрия фонды вәкиле Дмитрий Соловьев сүзләренә караганда, гуманитар йөк җылыткычтан тыш, агач һәм ябу материалларыннан, эчә торган су өчен канистрлардан, автомобильләргә запас частьләрдән һәм СВО зонасында кирәкле башка әйберләрдән тора. Йөкнең бу өлеше алгы сызыктагы сугышчыларга озатылачак. Зәйлеләр фронтка, госпитальләргә һәм яңа төбәкләр халкына армый-талмый ярдәм итүләрен дәвам итәләр.