Зәйгә эш визиты белән ТР Яшьләр эшләре Министры Ринат Садыйков килде

Бүген Зәй районына эш визиты белән Татарстан Республикасы Яшьләр эшләре Министры Ринат Садыйков килде. Ринат Наил улы район башлыгы Разиф Кәримов белән булачак психологик-педагогик ярдәм үзәгендә булды. Министр капиталь ремонт эшләренең барышы белән танышты. Бүгенге көндә фасад тулысынча демонтажланган һәм тышланган, түбә япмаларын алыштыру, эчке бизәү эшләре бара. Үзәк ике төп юнәлеш буенча эшләячәк: 14 яшьтән 35 яшькә кадәрге яшьләргә комплекслы психологик-педадогик ярдәм күрсәтү, кризис ситуациясендә яшүсмерләргә һәм яшьләргә, шул исәптән профилактик учетта торучыларга психологик ярдәм күрсәтү. Шулай ук коворкинг, изотерапия, төркемле тренинглар заллары, хореография студиясе, тавыш һәм фитотерапия кабинеты, сенсор бүлмәсе кебек урыннар булачак. Тиздән бу урын Зәй яшьләрен җәлеп итүнең яңа ноктасына әвереләчәк. Яңа «Яшьләр» паркы да игътибарсыз калмады - ул ял итү, иҗади үз-үзеңне тормышка ашыру һәм шәһәр халкына, барыннан да элек яшьләргә гадәти булмаган аралашуы өчен кирәкле урын.