Зәйдә Икътисади совет утырышы узды

Бүген хакимият бинасының кече залында район башлыгы Разиф Кәримов рәислегендә Икътисади совет утырышы узды. «2024 елның 9 аенда «Сәламәтлек комбинаты» эшчәнлегенә йомгаклар һәм 2025 елга перспектив планнар» нотыгы белән «Сәламәтлек комбинаты» директоры Ләйсән Кожевникова чыгыш ясады. «Сәламәтлек комбинаты» эшчәнлегенең төп төре булып мунча-кер юу хезмәтләре күрсәтү тора. Предприятие штат режимында эшли. 2024 елның 9 аенда мунчаның гомуми бүлегенә 10 572 кеше килгән. Шулай ук халыкка сауна, ял зонасы, душ, бассейн хезмәтләре белән индивидуаль ял номерлары бирелә. «Сәламәтлек комбинаты» эшчәнлегенең тагын бер төре-халыкка һәм предприятиеләргә кер юу хезмәте күрсәтү. «Сәламәтлек комбинаты» бинасында солярий, чәчтарашханә хезмәтләре, косметология һәм маникюр салоннары, массаж кабинетлары урнашкан, кием ремонтлау һәм тегү, мендәрләрне реставрацияләү хезмәтләре бар. Утырышка район башлыгы Разиф Кәримов йомгак ясады.