Зәй районы делегациясе авыл хуҗалыгы һәм эшкәртү сәнәгате хезмәткәрләре көненә багышланган тантаналы чарада катнашты

Бүген «Казан Экспо» Халыкара күргәзмә үзәгендә Татарстан Республикасы Рәисе Рөстәм Миңнеханов катнашында авыл хуҗалыгы һәм эшкәртү сәнәгате хезмәткәрләре көненә багышланган тантаналы чара узды. Чарада шулай ук министрлыклар һәм ведомстволар вәкилләре, алдынгы районнар җитәкчеләре, республиканың авыл хуҗалыгы тармагының иң яхшы белгечләре: игенчеләр, терлекчеләр, механизаторлар, фермерлар һәм тармак ветераннары катнашты. Республиканың авыл хуҗалыгы товар җитештерүчеләре һәркем өчен әһәмиятле бу бәйрәмне югары казанышлар белән билгеләп үтәләр, бу аларның һөнәри осталыгы, максатчанлыгы, фидакарьлеге һәм үҗәтлеге аркасында мөмкин булды. Зәй муниципаль районы башлыгы Разиф Кәримов җитәкчелегендәге делегация составында район авыл хуҗалыгы һәм азык-төлек идарәсе башлыгы һәм белгечләре, «Агрокөч» АҖ генераль директорының «Зәй шикәре» АҖ эшчәнлеге мәсьәләләре буенча урынбасары, «Агрокөч» АҖ ИКнең Зәй районы ПК башкарма идарәчесе, «Аксар», «Чыбыклы», «Кәдер», «Сәвәләй», «Нива» һәм «Баграж» ПК идарәчеләре һәм башкалар катнашты. Чарада катнашучыларны һөнәри бәйрәмнәре белән Татарстан Республикасы Рәисе Рөстәм Миңнеханов, Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров котладылар һәм Татарстан Республикасы Авыл хуҗалыгы һәм азык-төлек үсешенә керткән зур өлешләре өчен барысына да рәхмәт белдерделәр». Тантаналы чара бәйрәм концерты белән тәмамланды.