2026 ел башыннан Татарстанда 60 меңгә якын гаилә ана капиталы акчасын балаларының белем алуына юнәлдергән

Сертификатның күләме индексацияләнде һәм беренче бала туган гаиләләр өчен ул 728 921,90 сум тәшкил итә. Сертификаттан файдалану хокукыннан беренче бала тугач файдаланмаган очракта, икенче бала туганнан соң пособие күләме 963 243,17 сум булачак. "Дәүләт программасы гамәлгә кергәннән бирле ана капиталын балаларга белем бирүгә файдалану- куллануның иң популяр юнәлешләреннән берсе булып кала. Татарстанда тупланган статистика игътибарга лаек: программа эшли башлаганнан бирле төбәкнең 59 меңнән артык гаиләсе ана капиталын балаларын укытуга юнәлдерү турында карар кабул иткән”, - дип ассызыклады Россия Социаль фондының Татарстан Республикасы буенча бүлеге идарәчесе Эдуард Вафин. Шунысын билгеләп үтү мөһим, программа мөмкинлекләре бала мәктәптә яки югары уку йортларында укыган өчен түләү белән генә чикләнми. Ата-аналар акчаны баланы балалар бакчасына йөрткән, караган һәм тәрбияләгән, шулай ук баланың үсешенә ярдәм итә торган өстәмә дәресләргә - түгәрәкләргә, спорт секцияләренә, иҗади студияләргә, чит телләрне өйрәнү курсларына йөрткән, хәтта автомәктәптә укыткан өчен түләүгә дә юнәлтә алалар. Сертификатны әлеге максатларга куллануның төп шарты үзгәрешсез кала: акча күчерелә торган белем бирү оешмасының тиешле эшчәнлек алып баруга гамәлдәге лицензиясе булырга тиеш. Россия социаль фондының Татарстан Республикасы буенча бүлеге балалы гаиләләргә ярдәм чараларының киң спектрын - бала тугач бирелә торган түләүләрдән алып, айлык пособиеләргә, ташламаларга һәм ярдәмнең башка төрләренә кадәр күрсәтә. Әлеге ярдәм чаралары барлыгын белү белән генә канәгатьләнеп калмыйча, алардан ничек файдаланып буласын да аңлап кулланырга кирәк. Файдалы материаллар: • Балалары булган гаиләләргә нинди түләүләр һәм пособиеләр каралган (https://vk.com/wall-88374737_5286); • Ярдәм чараларын онлайн вариантта ничек рәсмиләштерергә (https://vk.com/wall-88374737_5314?); • Баланы укыту һәм һәрьяклы үстерүгә ярдәм (https://vk.com/wall-88374737_5388?); • Яшүсмерләрне җәйге чорда эшкә урнаштыру (https://vk.com/wall-88374737_4463?). Нинди ярдәмнән файдалану хокукы барлыкны онлайн тикшереп карарга мөмкин, - моңа бары берничә минут кына сарыф ителә һәм боларны белү мөһим түләүләрне вакытында һәм тиешле күләмдә алып барырга ярдәм итә. Социаль ярдәм чаралары, түләүләр һәм Россия Социаль фондының Татарстан Республикасы бүлеге хезмәтләре турында тулы һәм дөрес мәгълүматны СФР сайтында һәм социаль челтәрләрдәге MAX, ВКонтакте, Одноклассники һәм Телеграм рәсми аккаунтларда табарга мөмкин. Өстәмә мәгълүмат яки консультация алу өчен гражданнар 8 800 100 0001 номеры буенча бердәм контакт-үзәк операторларына мөрәҗәгать итә ала (төбәк линиясе тәүлек буе эшли - 24/7, шалтырату бушлай).