Зәйдә бәйрәм алды авыл хуҗалыгы ярминкәсе узды

Узган якшәмбедә «Энергетик» мәдәният йорты мәйданында бәйрәм алды авыл хуҗалыгы ярминкәсе узды. Ярминкәгә беренчеләрдән булып район башлыгы Разиф Кәримов, районның авыл хуҗалыгы һәм ветеринария идарәсе белгечләре килде һәм сатыла торган продуктларның сыйфатын бәяләде. Ярминкәдә «Зәй» агросәнәгать паркы, шәһәр һәм район эшмәкәрләре, шәхси ярдәмче хуҗалыклар катнашты. Үзләре үстергән продукцияне (ит, яшелчә, ашлык, печән) фермерлар Николай Карташов, Владимир Ионов, Ольга Шәйгарданова, Петр Степанов сатты. Районның авыл җирлекләре халыкка шулай ук үз продукцияс тәкъдим иттеләр, ярминкәдә катнашучыларны кайнар чәй һәм коймак белән сыйладылар. Мәйданда Халыклар бердәмлеге көненә багышланган бәйрәм концерты булды. Бәйрәм кунаклары игътибарына районның иң яхшы үзешчән сәнгать номерлары тәкъдим ителде: «Энергетик» мәдәният сарае, район һәм шәһәр мәдәният йортлары артистлары чыгыш ясады. Агымдагы елның сентябрь аеннан башлап 7 ярминкә үткәрелгән, аларда 9 млн.634 мең сумлык товар сатылган.