Район башлыгының Халыклар бердәмлеге көне һәм Татарстан Республикасы Конституциясе көне белән котлавы
Хөрмәтле зәйлеләр һәм районыбыз кунаклары! Сезне чын йөрәктән Халыклар бердәмлеге көне һәм Татарстан Республикасы Конституциясе көне белән котлыйм! Халыклар бердәмлеге көне Россиянең бөтенлеген, Ватаныбыз иминлеген ныгыту, гражданлык җәмгыятен торгызу һәм аны үстерү юлында барлык халыкларның һәм милләтләрнең бердәмлеген гәүдәләндерә. Татарстан Республикасы Конституциясе дәүләт төзелешенең ныклы хокукый нигезен тотуга хезмәт итә һәм мөһим икътисадый - социаль бурычларны хәл итүдә ышанычлы кыйбла булып тора, республикада яшәүче һәр кешенең иминлеген тәэмин итә. Бөек илебез, республикабыз һәм районыбыз өчен горурлык хисе киләчәктә дә безне берләштерсен! Барыгызга да тынычлык, игелек, сәламәтлек, иминлек, бәхет, оптимизм, рух ныклыгы, тыныч күк йөзе телим. Районыбыз, Татарстаныбыз һәм бөтен Россиянең киләчәге якты булсын. Бәйрәм белән!