Зәй укучылары арасында «Хезмәткә һәм оборонага әзер» (ГТО) фестивале узды

Татарстан Республикасы Зәй шәһәренең «Старт» спорт-сәламәтләндерү комплексында гомуми белем бирү учреждениеләре укучылары арасында «Хезмәткә һәм оборонага әзер» (ГТО) Бөтенроссия физкультура-спорт комплексы фестивале узды. Чара Зәй муниципаль районының физик культура, спорт һәм туризм идарәсе тарафыннан оештырылган һәм «Демография» милли проектының максатларын тормышка ашыруга юнәлдерелгән. Фестивальдә бер гомуми белем бирү оешмасының 16-18 яшьлек укучыларыннан һәм теләге булган 11 сыйныф укучыларыннан торган мәгариф оешмалары командалары катнашты. Командалар 5 катнашучыдан торды (3 малай, 2 кыз - 16-18 яшь). Чарада барлыгы 50гә якын кеше катнашты. Катнашучылар төрле спорт нормативлары тапшырдылар. Сәвәләй урта мәктәбенең 9 класс укучысы Аюкина Милена чара турында үз фикере белән уртаклашты: «Нормативларны үтәү өлкәннәрне һәм балаларны физкультура белән шөгыльләнергә, сәламәт яшәү рәвеше алып барырга этәрә. ГТО комплексының һәр нормативы башка төрле физик сыйфатлар таләп итә, бу һәр катнашучыга үзен теләгән өлкәдә күрсәтергә мөмкинлек бирәчәк. Бу сәламәт конкуренция һәм үз-үзеңне камилләштерүгә мотивация тудыра"- диде ул әңгәмәне тәмамалап.