Зәйдә Ринат Фәрдиев истәлегенә багышланган турнир узды
Зәйдә Р.Ш. Фәрдиев истәлегенә көрәш буенча турнир узды. «Яшьлек» боз сараенда ике көн дәвамында республиканың һәм Россия төбәкләренең иң көчле спортчылары арасында мавыктыргыч ярышлар барды. Татарстанның 18 районыннан һәм Россиянең 5 төбәгеннән 23 команда составында 250 көрәшче катнашты. Финал ярышлары алдыннан турнирда катнашучыларны район башлыгы Р.Г Кәримов сәламләде. Разиф Гали улы ата-бабаларыбызның милли гореф-гадәтләренә тугрылыклы һәм тирән ихтирамлы булулары, үз төбәкләрендә көрәшне үстерүләре һәм камилләштерүләре өчен барысына да олы рәхмәтен белдерде. Зәй көрәшчеләре турнирда лаеклы чыгыш ясады. Урыннар түбәндәгечә бүленде: 2006-2007 елгы яшүсмерләр арасында.: Ибраһимов Җәмил - 1 урын. Ир-атлар арасында: 65 кг - Кашапов Азат-3 урын; 80 кг - Рузметов Кәрим-3 урын; 100 кг-Насыйбуллин Ислам-3 урын; 130 кг - Сәлахов Радик-1 урын. Команда нәтиҗәләре: 1 урын - Әлмәт муниципаль районы; 2 урын-Казан шәһәре, "Зилант" спорт клубы; 3 урын-Лаеш муниципаль районы булды.