Район башлыгы финанс белеме дәресе үткәрде

23 октябрьдә район башлыгы Разиф Кәримов Зәй политехника көллиятенең беренче курс студентлары өчен финанс белеме дәресе үткәрде. Ул беренче курс студентларына мәктәп елларында ук үзенең беренче акчаларын ничек эшли башлавы турында сөйләде. Гаиләнең балаларның финанс белемен формалаштыруда мөһим роль уйнавын билгеләп үтте. Разиф Гали улы шулай ук студентларны Зәй районының 2023 һәм 2024 елдагы социаль-икътисади үсеше нәтиҗәләре белән таныштырды. Дәрес барышында махсус дисциплина һәм дисциплинаара курслар укытучысы Елена Мельникова балалар белән финанс белеме темасына интерактив үткәрде. Ә көллият директоры Вәсилә Исрафилова студентларга хәзерге дөньяда финанс яктан белемле граждан булуның һәм үзең өчен генә түгел, якыннарың өчен дә җаваплылык тота белүнең никадәр мөһим булуын искәртте. Ахырда район башлыгы студентларның махсус хәрби операция темасына һәм шәһәр үсеше перспективалары турындагы сорауларына җавап бирде.