Татарстан делегациясе Красноярда

Өч көнлек визит белән Краснояр краеның яшьләр сәясәте учреждениеләре инфраструктурасы белән танышу һәм тәҗрибә уртаклашу максатында Татарстан Республикасы яшьләр сәясәте идарәсе муниципаль органнары җитәкчеләре составында делегация килде. Зәй районыннан тәҗрибә уртаклашуда Яшьләр эшләре идарәсе башлыгы Гүзәл Шәрәфиева барды. Татарстан җитәкчеләре командасы: - Яшүсмерләрне һәм яшьләрне хәрби хезмәткә әзерләүнең нәтиҗәле системасын оештыруга, дәүләтчелек һәм ватанпәрвәрлек идеяләрен пропагандалауга, хәрби-патриотик тәрбияләүгә юнәлдерелгән «Патриот» яшьләр хәрби-спорт үзәге; - Яшьләрнең ИT-мәдәният белән кызыксынучы амбициоз идеяләрен гамәлгә ашыру мәйданчыгы булган яшьләр ИТ-үзәге; - Краснояр краенда яшьләрне патриотик тәрбияләүне гамәлгә ашыручы «Офицерлар йорты» дәүләт автоном учреждениесе; - Яшьләргә ярдәм итүнең төрле программаларын гамәлгә ашыру мәйданчыгы булган «Үз эшем» яшьләр үзәге; - «Гагарин» төбәк студентлар үзәге, эре чаралар, конкурслар һәм фестивальләр уза торган студентлар өчен иҗат пространствосы; - "Каменка" Арт-резиденциясе, "Яшьләрнең край сарае" дәүләт автоном учреждениесендә булдылар. Татарстан Республикасы яшьләр эшләре министры урынбасары Денис Владиславович Лулаков кабул итүче якка шундый киң программа һәм мәгълүматлылык өчен рәхмәт белдерде.