Махсус хәрби операциядә һәлак булган Заһиров Вадим Илсур улы истәлегенә ирекле көрәш буенча республика турниры узды

11 октябрьдән 13 октябрьгә кадәр Башкортостан Республикасында махсус хәрби операциядә һәлак булган Заһиров Вадим Илсур улы истәлегенә 2009-2014 елгы яшүсмерләр арасында ирекле көрәш буенча республика турниры узды. Ярышларда Төмән, Оренбург, Архангельск өлкәләреннән, Удмуртия, Татарстан, Башкортостан Республикасыннан, Марий Элдан, Пермь өлкәсеннән барлыгы 160 спортчы катнашты. “Зәй” спорт мәктәбе тренеры Хәйруллин Илнар Гайсә улы спортчылары турнирда түбәндәге урыннарны алдылар: 32 кг га кадәр үлчәмдә Мугурбиев Әбубәкәр чемпион булды, аңа шулай ук җиңү өчен аерым кубокта тапшырылды; 36 кг га кадәр үлчәмдә Хөснетдинов Әмир шулай ук чемпион булды. Спортчыларга чемпион пояслары тапшырылды. 40 кг га кадәр авырлык категориясендә Юнысов Айнур турнирның бронза призеры булды.