Зәйдә Өлкәннәр көненә багышланган чара узды

Халыкара Өлкәннәр көне алдыннан "Спарта" яшьләр клубында "Җылы кичә" дип исемләнгән чара узды. Ел саен Өлкәннәр көне 1 октябрьдә билгеләп үтелә. Бу дата БМО Генераль Ассамблеясе тарафыннан 1991 елда урнаштырылган һәм халыкара характер йөртә. Россиядә бәйрәм шулай ук өлкән буын көне буларак билгеле һәм дәүләт дәрәҗәсендә киң билгеләп үтелә. Әбиләр һәм бабайлар спорт ярышларында бик кызыксынып катнаштылар , үзләре иҗат иткән шигырьләр укыдылар, җырладылар һәм биеделәр. Очрашу «Елга аръягы урамында яз» дигән матур картинаны карау белән тәмамланды. Барлык кунаклар да призлар һәм сувенирлар алдылар.