Зәйдә кыска вакытлы ялга кайткан хәрбиләр белән чираттагы очрашу үтте

24 сентябрьдә Зәйдә махсус хәрби операция зонасыннан кыска вакытлы ялга кайткан хәрбиләр белән чираттагы очрашу оештырылды. Чарада район, җәмәгать оешмалары җитәкчеләре һәм махсус хәрби операциядә катнашучыларның гаиләләренә ярдәм итү мәсьәләләре буенча эшче төркем әгъзалары катнашты. Чара балалар иҗат йортында тәрбияләнүчеләр башкаруында патриотик номердан башланды. Һәлак булган сугышчыларны бер минут тынлык белән искә алдылар. Өстәл артында дустанә әңгәмә, фикер алышу булды. Хәрбиләр зәйлеләргә һәрьяклап ярдәм иткәннәре өчен рәхмәт белдерделәр һәм безнең максат бер, җиңү безнең кулда булачак, дип ышандырдылар.