Зилә Вәлиуллина өй пешекчесе

Зилә Мөҗип кызы - Зәй шәһәренең халыкны эш белән тәэмин итү үзәге ярдәмендә «Кече һәм урта эшмәкәрлек һәм шәхси инициативага ярдәм» милли проектында катнашучы буларак үз эшен ачкан эшмәкәр. «Эшсез калгач буш вакыт барлыкка килде һәм кондитер тәҗрибәсе булгач (ә кондитер булып мин 14 елдан артык эшләдем), туганнарым заказы буенча урама әзерләдем, тортлар пешердем, токмач ясадым, ә бу миңа бик ошый торган хобби гына кебек тоелды. Ә шул ук вакытта мине: «Синең бик яхшы килеп чыга! Бик тәмле һәм матур!» - дип илһамландырган кешеләр саны арта барды. Кайвакыт мондый фикер килә иде: «Ә миңа үз эшем белән шөгыльләнергә түгелме?». Әмма бу фикерләрне мин еракка кудым, дөресен генә әйткәндә, бик куркыныч иде, бик күп сораулар туды – «Мин булдыра алырмынмы, үз продуктымны ничек этәрергә, финанслауны ничек хәл итәргә?». Зәй шәһәренең халыкны эш белән тәэмин итү үзәге белгечләреннән мин үз эшемне ачу өчен бер мәртәбә бирелә торган финанс ярдәме алу мөмкинлеге турында белдем. Якыннарым бик хуплады, миңа ышаныч уятты. "Ә нигә үзеңне сынап карамаска?" – дип уйладым. Мәшгульлек үзәге хезмәткәрләре минем белән даими элемтәдә тордылар: көндез дә, кичен дә мин теге яки бу сорау белән шалтырата ала идем һәм һәрвакыт эчтәлекле җавап ала идем. Бизнес-планны уңышлы яклый һәм һөнәри керемгә салым түләүче буларак теркәлә, ягъни үзмәшгуль була алдым. Алынган акчаларга миңа кирәкле булган җиһазлар һәм продуктларның башлангыч партиясен сатып алдым. Һәм үземне актив рәвештә алга этәрә башладым, яңа клиентларны үз десертларым һәм тортларым белән сөендерә башладым!» Гражданнар хоббиларын үз бизнесына әверелдереп, хыялларын тормышка ашырырга тырышалар. Дәүләт «Кече һәм урта эшмәкәрлек» милли проекты ярдәмендә мондый омтылышларны хуплый һәм гражданнарга аларның башлангычларында һәрьяклап ярдәм күрсәтә.