Профильле укудан алып һөнәр алуга кадәр

12 сентябрь көнне 6 нчы мәктәп базасында ата-аналар (законлы вәкилләр) һәм 10-11 сыйныф укучылары өчен «Профильле укудан алып һөнәр алуга кадәр» дигән темага гомумшәһәр ата-аналар җыелышы булды. Киңәшмә эшендә мәгариф идарәсенең мәгълүмат-методика бүлеге җитәкчесе Миләүшә Вәлиәхмәтова 11 сыйныфны тәмамлаучыларны 2025 елда дәүләт йомгаклау аттестациясенә әзерләүнең актуаль мәсьәләләрен, укучыларның һөнәри үзбилгеләнү мәсьәләләрен яктыртты. Зәй районы укучыларының һөнәри юнәлеше турында «Татарстан Республикасы халыкны эш белән тәэмин итү үзәге» ДКУнең Зәй районы буенча идарәсе башлыгы Екатерина Андреева сөйләде. Зәй ГРЭСының кадрлар бүлеге җитәкчесе, энерготөркем кураторы Светлана Кубышкина «Үз сәләтеңне тап» һөнәри юнәлеш проектына йомгак ясады. Казан дәүләт энергетика университетының һөнәри юнәлеш бирү һәм кабул итү идарәсе башлыгы урынбасары Елена Шишкова югары уку йортларына кабул итү кагыйдәләре һәм әзерләү үзенчәлекләре, "Энергетика профиленең инженер классы" юнәлеше буенча һөнәри юнәлеш бирү программасы турында сөйләде. Чакырылган ата-аналар һәм 10-11 сыйныф укучылары, сыйныф җитәкчеләре һәм гомуми белем бирү оешмалары җитәкчеләре кызыксындырган сорауларын бирә алдылар. Җыелышка Зәй муниципаль районы Башкарма комитетының мәгариф идарәсе башлыгы вазыйфаларын башкаручы Татьяна Храмова йомгак ясады.